Monday 14 December 2009

21. Kaffe Fassett

Nee, Kaffe Fassett is nie vloekwoorde of 'n vreemde plek in Uzbekistan nie. Dis die naam van 'n man wat die mees flippin amazing breiwerk en kwilts inspireer. Hy is die Bill Gates van materiaal, die Tiger Woods van wol en die Van Gogh van kleur. Dis my beskrywing van Kaffe (jy spreek sy naam "Kyf" uit), maar Wikipedia is bietjie meer feitlik:

Kaffe Fassett (born 1937 in San Francisco), is an American artist who is best known for his colourful designs in the decorative arts - needlepoint, patchwork, knitting, painting, ceramics. "Colour is his very medium, whatever the substance he uses". He has resided in England since 1964. Fassett's work has attracted a considerable following. His work was the subject of a 1988 one-man show at the Victoria & Albert Museum in London, the first time a living textile artist had such a show there. The show proved so popular that it was successfully converted into an international travelling show that visited nine countries. A prolific author of over a dozen books, Fassett concentrates on teaching the color and design stages of craftwork rather than the construction stage.

Hier is die man self: julle kan sien hoekom ek so mal is oor hom.


Sy eie website vertel hoe hy begin brei het:
Kaffe ventured into the world of colourful yarn on a visit to a Scottish wool mill with fashion designer Bill Gibb. Inspired by the colours in the landscape, Kaffe was thrilled to find the same colours in yarns. He bought 20 colours of Shetland wool and some knitting needles, and on the train back to London a fellow passenger taught him how to knit. His first design appeared as a full page spread in Vogue Knitting magazine.

Ek kry sommer hoendervleis as ek dink die man was so blown away met die landskap dat hy net geweet het hy moet wol koop en iets brei, al kon hy toe nog nie brei nie! As hy enigsins voel oor nuwe wolle in amazing kleure soos ek, kan ek eintlik imagine dat hy net nie uitgepraat kon raak op die trein oor sy sakkie shopping nie. Iemand hoor hom toe seker opgewonde gil en tekere gaan en dink "Ag moer laat hom tog net leer brei sodat hy kan shut up" Hehehehe. Nee maar ernstig nou, dis amazing hoe hy net sy "gut instinct" gevolg het daar in die winkel in Skotland, want dit was duidelik meant to be.

'n Paar maande gelede was daar 'n program op Chanel 4
waar die aanbieder elke week 'n stukkie van haar huis mooi gemaak het, maar elke keer d.m.v. 'n ander "craft". Een week was die craft breiwerk en sy het Kaffe se huis besoek. Sy het met Kaffe gepraat ook. Hy is 'n vreeslik nice man en het net die heeltyd gesê "Don't be afraid of colour". Dis nou my motto in die lewe! Kaffe neem die vrou toe ook op 'n toer deur sy huis. Liewe hemel, holy cow, dis 'n kleurvolle storie! Hy practice duidelik wat hy preach. Hy het muurpapier, keramiekwerk, bekleedsel, tapeseries, als waaraan jy kan dink, en elke ieder een van daai goed het 'n patroontjie, maar somehow maak hy die mengelmoes net WERK. Case and point - hier is 'n paar foto's van sy huis:



(Liefie, jy kan maar relax, ek is nie van plan om ons huis in Kyf Kingdom te omskep nie… ten minste nie nou al nie. )

Maar wat ek julle eintlik wil vertel is dat die Regia wol mense 'n reeks wolle uitgebring het, ontwerp deur die einste Kaffe. Kan jy jou indink! Hy besluit watter kleure om bymekaar te sit in die bolle wol en dan verander dit van een kleur na die volgende terwyl jy brei! Al Kaffe se geniusness in 'n bolletjie wol! Die wol is spesifiek vir die brei van sokkies. Ja sokkies. Elke bol wol is genoeg vir een sokkie en die wol kom met 'n sokkie patroon. Dis totally genius! En vir elke kleurkombinasie is daar 'n opsie waar die kleure in strepe uitkom (Landscape) of sommer net so deurmekaar (Mirage).



Ek koop eerder my (baie bont) sokkies in 'n winkel en ek hou nie van brei nie so hoekom gaan ek so aan daaroor? Wel, my gunsteling online wol winkel het die wol op special gehad. £1.20 in plaas van £4.50 per bol - dis mos hopelooslik te goed om te laat verby gaan! So…toe koop ek twee bolle in 'n donkerblou en wynrooi strepie (Twilight), en twee bolle in ligblou en groen (Storm) in die deurmekaar ontwerp.En wat hekel ek? 'n Kopband! Sommer twee!

Ek wou al lankal 'n kopband hekel (die patroon is aan die regterkant van die blog) en ek het bietjie van 'n break nodig gehad van die IdentiteitsKrisisKombers. Dit was sooooo lekker om te sien hoe die wol verander. Ek kon twee klaar maak op 'n Saterdagmiddag want ek hekel so vinnig want ek kan nie wag om te sien wat die volgende kleur is nie!


P.S. Ek het vandag uitgevind dat die rede hoekom die wol so goedkoop was, is omdat die Kaffe Fasset Design Line reeks, nie meer deur Regia gemaak gaan word nie (hulle het nou net hul eie kleur kombinasies vir sokkies). So as jy van die Kaffe wol soek, en jy sien dit in die winkel, maak soos ek en koop dit dadelik!
Die sokkiewol is baie dun, so ek het twee bolle wol gelyk gebruik. Verander dus toe sommer my sokkiewol in Double Knit, just like that! En dit maak toe dat dit ekstra nice van kleure verander want die een bolletjie wol was altyd 'n bietjie laat met sy verandering. Oe, dit was lekker!!!

Sunday 6 December 2009

20. IdentiteitsKrisisKombers

'n Paar weke gelede het ek julle mos 'n voorsmakie gegee van my nuutste hekelprojek. Is dit 'n serp? Is dit 'n belt? Nee, dis 'n dubbelbed kombers!!!!!! Ja maters, ek hekel 'n kombers vir ons bed. Dis 'n moerse projek. Gaan kyk gou na jou slaapkamer duvet. Sien jy hoe lank en hoe wyd hy is? Nou dis wat ek hekel. En hekel. En hekel. En hekel.

Dis hoe vêr ek al is:



My liewe man het aan die begin van die projek heeltyd gesê wat 'n mooi ou serpie dit sal maak. Hoe meer ek vir hom sê nee, dis die begin van 'n kombers, hoe meer draai hy dit om sy nek en modelleer vir my die mooi serpie. Flippit! Nou het ek darem al vêr genoeg gehekel dat dit te groot is vir serpie-speel maar steeds noem hy dit 'n serp. Gggrrrrr.

Ek moet erken, die patroon leen homself baie oulik na 'n serp (maar dis net tussen my en julle, Johan mag nooit uitvind nie). En ek sal seker nog eendag die patroon gebruik vir 'n serp, maar ek wil eers vreeeeslik graag 'n kombers hekel. 'n Serp, 'n kussing en 'n kombers is die drie goed wat enige hooker ten minste een keer in hulle hookylewe moet maak. 2 Down, 1 to go.

Ons Granny en Grandpa kussings lyk ook vir my so asof hulle 'n maatjie soek, en wat beter as 'n ou bersie in dieselfde kleure! (Maar vir die rekord moet ek net sê dat Johan net ingestem tot 'n gehekelde kombers as daar geen pienk gebruik word nie. Klein prys om te betaal om my hekel sin te kry :-)).
Daar is 'n derde rede vir my lus vir kombers hekel. Ek kan onthou dat daar 'n dag was toe ek seker so 5 jaar oud was, wat ek op die grond by my oumagrootjie, Aggie, se voete gaan sit het en met totale verwondering gekyk het hoe sy 'n kombers hekel. Sy het in die eetkamer in 'n stoel gesit met 'n ligte geel kombers oor haar bene, maar toe ek nader stap sien ek die kort silwer hekelpen in haar een hand en die beweging van haar wysvinger van die ander hand. Daar besef ek toe dat Ouma Aggie sit en hekel aan 'n kombers wat reeds so groot is dat sy onder dit kan sit! Ek was blown away en vreeslik beindruk met my oulike oumagrootjie.
Ek het vir haar gesê dat dit baie slim is van haar om iets te maak wat haar warm hou terwyl sy nog daaraan werk. Ek weet nie meer wat sy vir my terug gesê het nie maar ek kan onthou dat sy 'n baie knowing smile gekry het en vir my bietjie gewys het wat sy doen. My klein koppie kon net nie uitfigure hoe dit moontlik is dit een metaal pennetjie en haar wysvinger iets so groot soos 'n kombers kon create nie. Ek was gewoond aan my ma wat brei, maar daarvoor het jy twee lang breipenne nodig en daar was altyd vreeslik baie lussies op een of albei van die penne. Maar hier sit Aggie met 'n kort silwer stokkie, wat nooit meer as 3 lussies op het nie, en sy maak groter goed as my Ma met haar breiwerk! Dis mos magic!
Deur die jare was daai liggeel kombers my gunsteling vir middagslapies. Hy het selfs saam met my getrek toe ek en Johan in ons woonstelle in die Kaap gewoon het.

Nou, meer as 25 jaar later het daai experience met Ouma Aggie nog steeds 'n uitwerking op my, al het ek dit nie dadelik besef nie. Drie weke gelede is ek op Ravelry, besig om deur die 3191 kombers patrone te gaan het op soek na 'n patroon vir my kombers. Een patroon het dadelik vir my uitgestaan: Spicy Delights Afghan (daar is 'n link op die "tab" aan die bokant van die bladsy), en ek dink dis Ouma Aggie wat my na daai patroon gelei het, want weet julle wat? Dis dieselfde patroon as Aggie se lig geel bersie!!!!!!! Maar die weird ding is dat ek eers agtergekom het dis dieselfde, toe ek alreeds 5 rye gehekel het - nie toe ek die patroon gekies het nie!

Aggie sal miskien nie 6 kleure vir haar kombers gekies het nie, my oupa-grootjie sou nooit durf waag het om haar handewerk 'n kompleks te gee nie, sy het haarself beslis nie leer hekel met YouTube nie en sy sou nooit gedink het dat haar agter-kleinkind in Engeland sal sit terwyl sy dit hekel nie, maar ek's seker sy glimlag net so mooi vir my soos daai dag toe ek groot-oog en met totale verwondering by haar voete gesit het.

Monday 30 November 2009

19. Die Kersboom is op!

Ja ek weet dis nog nie die 1ste Desember nie, maar ek het Johan oorreed dat "die eerste naweek voor die 1ste Desember" net so goed is :-)

Lyk die sirkeltjies nie te cute nie???!!!! Ek's mal daaroor!

Die rooi en wit gingham lintjie wat om die boom draai het ek verlede naweek in Ripley gekoop, en dit pas so mooi by die gehekelde versierings!



Ek moet erken dit was nogal moeilik om Saterdagaand TV te kyk want my oog word, asof deur 'n rooi en groen magneet, boom se kant toe getrek. Dis net so beautifull!
Ek wonder waarvoor kan ek die versierings nog gebruik want ek wil hulle nie hoef weg te pak nie!

Monday 23 November 2009

18. Believe it or not, we went to Ripley!

My man het my die naweek na 'n pragtige hoteletjie in die Surrey Hills geneem, in 'n dorpie genaamd Ripley.

Ripley het baie sentimentele waarde vir ons want dit was die eerste plek waarheen ons met ons eerste kar gery het. Dit was 'n 1997 Rover 100 Knightsbridge en het nogal 'n sunroof gehad! Ek dink ons het maar iets soos £500 betaal vir hom. Jislaaik ons was trots op daai karretjie! Om nie op publieke vervoer afhanklik te wees nie, het ons behoorlik "tuis" laat voel in England. En dit was baie makliker om Ikea of hardeware winkel toe te gaan! (Het jy al probeer om 'n flatpack boekrak en TV op 'n trein te vervoer en dan dit twee-twee te dra van die stasie tot by jou huis al langs die High Street op 'n besige Saterdagmiddag?!)


Anyway, terug na Ripley. Dis net 20 minute van die huis af, maar as jy nog nooit in Engeland bestuur het, en dit met jou eerste kar, gekoop met ponde, doen is dit 'n groot event. Ons het nie eens SatNav gehad nie. Ek het met 'n padkaart boek gesit! Noudat ek terug kyk is dit amazing dat ons die plek gevind het!
So, Ripley het 'n baie spesiale plekkie in ons harte.

Die naweek is ook soortvan 'n 8 jaar huweliksherdenking celebration. Die amptelike huweliksherdenking is eers die 14de Desember maar hierdie naweek was die eerste een waar die hotel vir ons 'n kamer gehad het.





Ons was baie beindruk met die nice kamer wat ons gekry het.


Ons het bietjie rugby gekyk

en ek het bietjie gehekel. En nee, dis nie 'n serp nie. Julle sal maar moet wag en sien ;-)


Dit was baie tempting om net heeltyd in die kamer te bly want dis so lekker knus, maar ons het darem bietjie rondgeloop in Ripley ook. Dit het net 5 minute geneem want dis regtig 'n baie baie klein plekkie. Hulle het die oulikste winkeltjie daar! Ek het uitgestap met 3 goedjies maar as jy my alleen los daarbinne sou ek met 3 sakke kon uitstap. Sulke regte country, crafty, mooi, totally useless goedjies. Toe ons uitstap het 'n ander couple in gestap en Johan het so onderlangs vir die man gesê "Don't take your wife in there. You won't come out empty handed!" :-)



Ons wou graag die aand na die pub deel van die hotel gaan om te gaan koffie drink maar dit was glad nie so groot soos ons gedink het nie en daar was reeds 'n groep "locals" wat die plek oorgeneem het, so toe gaan ons maar terug kamer toe. Die volgende oggend moes ons voor 11 uur uit check maar ons was al vroeg wakker so ons het gaan ontbyt eet, uit gecheck en teen 10 uur die oggend was ons weer terug by die huis! Dit was heerlik om 'n change of scenery te hê maar tog net 20 minute van die huis te wees!
Ek moet egter nou dood eerlik wees met julle: dit was steeds regtig absoluut fantasties om Sondagoggend by my eie huis in te stap.
Oos Wes, Tuis Bes.
Believe it!




Tuesday 17 November 2009

17. Ta-daah!!

Al die kersversierings is klaar gehekel!

Ek het 27 goedjies wat kan hang, plus 'n sterretjie vir heel bo-aan die boom.



Die sterretjie het van begin tot einde net 3 ure geneem (dis nou as ek al die "tea breaks" en opstaan om vir Johan te wys na elke puntjie klaar gehekel is, aftrek). Ek sal enige tyd nog van die oulike sterretjies kan maak. Dis so maklik en cute!

Ek sien op Ravelry dat daar 'n vrou is wat hierdie Super Mario sterretjies maak om in die broeikaste van vroeg gebore babatjies te sit. Dis mos sag en klein so dis die ideale "speelgoed" vir 'n piep klein babatjie.


Nou wag ek net vir kersfeesboom om opgeslaan te word. Hoe lank nog tot die 1ste Desember???!!!!

Friday 6 November 2009

16. It's beginning to look

♪ a lot like Klithsmaths, laaah-die-dah-die-dah! ♪♪ (Die woord Christmas moet net gesing word met 'n lisp soos hulle doen in Home Alone 2 en laaah-die-dah-die-dah is eintlik "everywhere you go" but who cares.)
Dis November so Kersfees is in volle swang in Londen. Oxford Street, St. Pauls en Regent Street se kersfeesliggies is Dinsdagaand aangeskakel, Harrods s'n al die 29ste Oktober!!, en Harrods se Santa's Grotto is van Saterdag af oop. Die winkels is vol kersfeeskoek, kersbome, mince pies (ons het ons eerste boks mince pies die 31ste Oktober gekoop, en die boksie was voor 1 November in die drom), hope en hope en hope speelgoed en natuurlik gevriesde klein volstruisies (okay, kalkoen). Dan praat ek nie eens van hoe mooi die winkelsentrums lyk nie! Dis net liggies orals waar jy kyk. My gunsteling is Kersfees markies, en in Kingston is daar sommer twee om uit te kies, onder andere 'n Duitse ene! (Ek sal vir julle foto's oplaai wanneer ons daar was).
Dis heerlik om kersfees te hou in Engeland!! Als is so vrolik! Ek dink dis nogal nice om te dink dat die grootste deel van die geld wat uitgegee word in die Kersgety, spandeer word op geskenke vir familie en vriende, of op eetgoed wat gedeel gaan word met vriende en familie. Dit gee my sommer so 'n warm and fuzzy feeling.
Noudat ek hekel kyk ek natuurlik ook na Kersfees in 'n heel ander lig. Ek het 'n hekelboek wishlist op Amazon (Liefie, take note!), ek wonder of mense hekelwerk as kersgeskenke wil hê (ek vermoed die antwoord is nee want ek is die enigste een wat hekelmal is) en ek soek patrone om kersfees tema goedjies te maak. Gelukkig hoef ek glad nie vêr te soek vir patrone nie. In my Liewe Heksie serp is daar hier en daar heksies waar die eerste 3 rondtes rooi, wit en groen rondtes is, en dit skree mos Kersfees. Ek ken die patroon, ek het die wol en ek het beslis die lus, so nou hekel ek Kersfeesboom versierings!
Die plan is om 18 x 3-rondte, 3-kleur sirkels te maak, en 12 x 2-rondte, 1-kleur sirkeltjies. Ek maak 'n voorkant en 'n agterkant vir elkeen (want mens kyk mos na die boom van alle kante en ek wil nie rafeltjies sien wat die look bederf nie) so dit neem bietjie langer. Ek het nog 'n hele paar om te maak maar hier is solank foto's van wat ek het.
Elke boom het natuurlik ook 'n ster ook nodig en daarvoor het ek 'n "Super Mario Invicibility Star" patroon gekry. Cute nê?
Volgens die patroon met jy die sterretjie opstop maar ek gaan net stywe interfacing aan die verkeerde kant van albei sterre vas stryk voor ek dit aanmekaar werk, en dan 'n opening los tussen twee van sy beentjies sodat dit oor die toppunt van die boom kan pas. Natuurlik sal ek ook nie ogies borduur nie want dit moet 'n heel beskaafde, bedeesde wit ster wees.

Ek hoop julle Kersfeesplanne vorder ook mooi!

Sunday 25 October 2009

15. So bietjie deur die blare

Julle sal seker onthou dat ek en Johan verlede week wou gaan herfsblare kyk maar toe nooit daarby uitgekom het nie. Ons het mos eerder gaan tee & scones. Wel Sondag het ons weer probeer, en dit was 'n reuse sukses! Die keer het ons reguit Bushy Park toe gegaan en toe afgekom op 'n deel van die park wat super mooi is!

Ek hoef nie veel te sê nie want julle kan van die foto's aflei dat ons die mooi herfskleure en rustige woud vreeslik baie geniet het.





Ek is mal oor hierdie foto effek - dit lyk soos 'n 1960's foto. Laat my dink aan die foto's wat ek gesien het as kind van my ma en pa in hul jong dae:


Nog 'n foto effek:




I luuuuuve my husband!:

My vriendin Johanna sê ek lyk soos 'n stout Engel in die foto. Ek dink meer dis soos die duiweltjie op Johan se skouer :-):



Is dit nie beautifull nie?!:




Ons was darem nie dadelik huis toe na die speel tussen die blare nie. Nee, eers 'n teekie en Ouma beskuit in die kar voor ons die lang (10 minute) drive huis toe aandurf. Enige verskoning....

P.S. Ons was later Sondagmiddag weer uit - vir 'n replay van verlede Sondag se tee & scones. Hoekom? Want ons kan!

LinkWithin

Related Posts Plugin for WordPress, Blogger...